6 ամենատարածված սխալները Հայաստանում ընկերություն գրանցելիս
Հայաստանում շատ ձեռնարկատերեր գրանցում են ընկերություն՝ առանց նախապես ողջ գրանցման գործընթացը հասկանալու, ինչը կարող է հանգեցնել խնդիրների և ֆինանսական կորուստների։ Ստորև ներկայացված են ամենահաճախ հանդիպող սխալները, որոնցից անհրաժեշտ է խուսափել:
- Կազմակերպաիրավական ձևի ընտրություն
Ընկերության տեսակը (ՍՊԸ, ԱՁ, ԲԸ) պետք է ընտրել ընկերության գործունեության բնույթից, ներդրումային պահանջներից և հարկաբյուջետային առավելություններից ելնելով։ Այս հանգամանքը հաշվի չառնելը կարող է դժվարացնել ընկերության հետագա գործունեությունը: Կազմակերպաիրավական ձևի ճիշտ ընտրություն կատարելու համար կարող եք կարդալ համապատասխան ուղեցույցը:
- Գրանցման հայտ
Ընկերության գրանցման դիմումն ունի որոշ պահանջներ, որոնց չհետևելու, կամ դիմումում ներկայացված փաստաթղթերի՝ օրենքի հետ անհամապատասխան լինելու դեպքում գրանցումը կարող է մերժվել: Այս ուղեցույցը կօգնի իմանալ, թե ինչպես պետք է գրանցել ընկերությունը:
- Ընկերության անվան ընտրություն
Ընկերության անվանումը պետք է հստակ արտահայտի ձեր գործունեությունը, չխախտի այլ ընկերությունների իրավունքները և համապատասխանի ՀՀ օրենքներին։
- Անվանումը չպետք է համընկնի արդեն գրանցված մեկ այլ ընկերության անվան հետ (կարելի է նախապես ստուգել ՀՀ Պետական գրանցամատյանի տվյալների բազայում)։
- Եթե ընկերության անվանումը պարունակում է «Հայաստան», «Հայ» բառերը կամ դրանց թարգմանությունները, անհրաժեշտ է վճարել տարեկան 600,000 դրամ պետական տուրք (բացառությամբ հասարակական կազմակերպությունների)։
- Անվան դիմումը կարող է մերժվել, եթե նման է հանրապետության կամ այլ պետությունների անուններին, պարունակում է «բանկ», «ապահովագրություն», «նոտար» և նմանատիպ բառեր առանց համապատասխան լիցենզիայի կամ թույլտվության։
- Տեղական հասցե, հեռախոս և էլ․ փոստ
Ընկերություն գրանցելու համար պարտադիր է ունենալ Հայաստանում գրանցված իրավաբանական և գրանցման հասցե։ Այս սխալն առավել հաճախ թույլ են տալիս օտարերկրյա քաղաքացիները, ովքեր իրավաբանական հասցեի փոխարեն ներկայացնում են իրենց բնակության հասցեն: Իրավաբանական հասցեն գործածվում է պետական մարմիների հետ հաղորդակցության (օրինակ՝ ծանուցումներ ստանալու) համար:
Անհրաժեշտ է նաև ունենալ տեղական հեռախոսահամար և էլեկտրոնային հասցե, քանի որ պետական մարմինների հետ ամբողջ հաղորդակցությունը (ընդ որում հարկային ծանուցումները) իրականացվում է դրանց միջոցով։ Էլ․ հասցեն անհրաժեշտ է առանձին նշումով ներկայացնել ընկերության կանոնադրության մեջ:
- Օտարերկրյա փաստաթղթերի օրինականացում և թարգմանում
Եթե Հայաստանի Հանրապետությունում գրանցվող ընկերության հիմնադիրը կամ բաժնետերը օտարերկրյա քաղաքացի է կամ օտարերկրյա իրավաբանական անձ, ապա նրա փաստաթղթերը պետք է պարտադիր անցնեն ապոստիլացում։
- Արտոնությունների դիմելու ժամկետներ
Հայաստանում նորաստեղծ ընկերությունները հաճախ սխալվում են՝ ժամանակին չդիմելով հարկային արտոնությունների համար։
Ամենատարածված դեպքերից մեկն առնչվում է շրջանառության հարկի (առավելագույնը 10%) համակարգին, որին պետք է դիմել ընկերության գրանցումից հետո՝ 21 օրվա ընթացքում։ Եթե ընկերությունը նշված ժամկետում չի դիմում, այն մեխանիկորեն համարվում է ավելացված արժեքի հարկ (20%) վճարող։
Հայաստանում ընկերություն գրանցելիս հաճախ թույլ տրվող սխալներից խուսափելը նույնքան կարևոր է, որքան բուն գրանցման գործընթացը։ Ճիշտ իրավական և հարկային քայլերի ընտրությունը կարող է էականորեն ազդել ընկերության հետագա հաջողության վրա։ Retrieve Legal and Tax ընկերության թիմը պատրաստ է օգնել խուսափել նման սխալներից և լիարժեք օգտվել Հայաստանի առաջարկած հնարավորություններից ու արտոնություններից։ Մեզ կարող եք դիմել ցանկացած խորհրդատվության կամ անհատական աջակցության համար։