Եթե նախատեսում եք երկարաժամկետ բնակություն հաստատել Հայաստանում, ապա ժամանակավոր կացության կարգավիճակ ստանալը Ձեր առաջին և ամենակարևոր քայլն է։ Մեր թիմը կազմակերպում և ուղեկցում է ամբողջ գործընթացը՝ փաստաթղթերի նախապատրաստումից մինչև դիմումի ներկայացում և հետագա ընթացքի վերահսկում, որպեսզի դուք կարողանաք կենտրոնանալ Ձեր տեղափոխության վրա։
Ի՞նչ իրավունքներ է տալիս ժամանակավոր կացության կարգավիճակը
Ժամանակավոր կացության կարգավիճակը օտարերկրյա քաղաքացիներին տալիս է Հայաստանի Հանրապետությունում մինչև մեկ տարի օրինական բնակվելու իրավունք։ Այն կարող է երկարաձգվել յուրաքանչյուր տարի, և բազմաթիվ դիմորդներ հետագայում այն օգտագործում են որպես հիմք մշտական կացության կարգավիճակ կամ հետագայում՝ Հայաստանի Հանրապետության քաղաքացիություն ստանալու համար։
Ո՞վ կարող է դիմել ժամանակավոր կացության կարգավիճակ ստանալու համար
Դուք կարող եք դիմել, եթե համապատասխանում եք հետևյալ հիմքերից որևէ մեկին.
- Դուք սովորում եք Հայաստանի Հանրապետության ուսումնական հաստատությունում։
- Դուք ունեք Հայաստանի Հանրապետությունում գործող աշխատանքի թույլտվություն։ Աշխատանքի թույլտվության տրամադրման կարգի և գործատուի պարտականությունների վերաբերյալ մանրամասն տեղեկություններ կարող եք գտնել մեր «Աշխատանքի թույլտվություն Հայաստանում 2026» ուղեցույցում։
- Դուք հանդիսանում եք արդեն ժամանակավոր կացության կարգավիճակ ունեցող անձի ամուսինը (կինը), ծնողը կամ զավակը։
- Դուք հանդիսանում եք մշտական կամ հատուկ կացության կարգավիճակ ունեցող անձի մերձավոր ազգականը։
- Դուք վարում եք Հայաստանի Հանրապետությունում գրանցված բիզնես։
- Դուք հայկական ծագում ունեք։
Ժամանակավոր կացության կարգավիճակ ստանալու համար անհրաժեշտ փաստաթղթերը
Փաստաթղթերի ամբողջական փաթեթի նախապես պատրաստումը թույլ է տալիս խուսափել ավելորդ ձգձգումներից։ Ստանդարտ փաթեթը ներառում է՝
- լրացված դիմումի ձև.
- անձնագրային երեք լուսանկար (3.5 × 4.5 սմ).
- անձնագրի բնօրինակը, պատճենը և անձնագրի նոտարական վավերացմամբ հայերեն թարգմանությունը.
- առողջական վիճակը հավաստող բժշկական տեղեկանք.
- դիմողի ծննդյան վկայականի, ծնողների անձնագրերի և ծնողների ամուսնության վկայականի պատճենները (անհրաժեշտության դեպքում՝ Հայաստանի Հանրապետության քաղաքացիությունը հաստատելու նպատակով).
- Հայաստանի Հանրապետություն օրինական մուտքը հավաստող փաստաթուղթ (վիզա, սահմանային դրոշմակնիք կամ գործող կացության քարտ).
- ծննդյան վկայական, ծնողների անձնագրեր և ծնողների ամուսնության վկայական (եթե անհրաժեշտ է հաստատել հայկական ծագումը).
- Ձեր դիմելու հիմքը հաստատող փաստաթղթեր (ուսումնական հաստատության տեղեկանք, ընկերության գրանցման փաստաթղթեր, ընտանեկան կապը հաստատող փաստաթղթեր և այլն)։
Եթե դիմումը ներկայացվում է ներկայացուցչի միջոցով, անհրաժեշտ է նաև ներկայացնել նոտարական կարգով վավերացված լիազորագիր և ներկայացուցչի անձը հաստատող փաստաթուղթ։
Հայաստանի Հանրապետությունից դուրս տրված բոլոր փաստաթղթերը, անհրաժեշտության դեպքում, պետք է օրինականացված լինեն և թարգմանված հայերեն՝ նոտարական վավերացմամբ։
Մեր իրավաբանները յուրաքանչյուր գործ ուսումնասիրում են անհատական կարգով, նախապատրաստում են փաստաթղթերի ամբողջական փաթեթը և ստուգում դրա համապատասխանությունը օրենքի պահանջներին մինչև դիմումի ներկայացումը։
Դիմումի քննության ժամկետները և պետական տուրքը
Դիմումը Միգրացիայի և քաղաքացիության ծառայություն ներկայացվելուց հետո որոշումն ընդունվում է 30 օրվա ընթացքում։
Պետական տուրքի չափը կազմում է 105,000 ՀՀ դրամ։ Մինչև 18 տարեկան դիմորդներն ազատվում են պետական տուրքի վճարումից։
Վճարումը հնարավոր է կատարել պետական էլեկտրոնային վճարումների համակարգի միջոցով, բանկում կամ վճարային տերմինալի միջոցով։
Դրական որոշման դեպքում կացության քարտը տրամադրվում է Հանրային ծառայությունների միասնական գրասենյակում՝ ք. Երևան, Վազգեն Սարգսյան փողոց 3 հասցեում։
Մերժման դեպքում դիմորդն իրավունք ունի օրենքով սահմանված կարգով և ժամկետներում բողոքարկել որոշումը Հայաստանի Հանրապետության վարչապետի աշխատակազմ։
Մեր իրավաբանները մանրակրկիտ նախապատրաստում են յուրաքանչյուր դիմում, իրականացնում են հաղորդակցությունը պետական մարմինների հետ և վերահսկում են գործընթացը՝ ապահովելով, որ բոլոր անհրաժեշտ փաստաթղթերը ներկայացվեն ամբողջական և պատշաճ ձևով։
Ինչու՞ ընտրել Retrieve Legal & Tax-ը
Մասնագիտական իրավաբանական աջակցությամբ դիմելու դեպքում Ձեր փաստաթղթերը պատրաստվում են ճիշտ և ամբողջական՝ հենց սկզբից, ինչը նվազեցնում է լրացուցիչ փաստաթղթեր ներկայացնելու, թերությունների վերացման կամ այլ ուշացումների հավանականությունը։
Մեր ծառայությունները ներառում են՝
- դիմելու իրավունքի նախնական գնահատում.
- փաստաթղթերի պատրաստում և իրավական ստուգում.
- փաստաթղթերի պաշտոնական թարգմանություն և նոտարական վավերացում.
- դիմումի ներկայացում.
- հաղորդակցություն Միգրացիայի և քաղաքացիության ծառայության հետ.
- դիմումի ներկայացումից հետո իրավական աջակցություն, ներառյալ՝ բողոքարկման գործընթացի իրականացումը, անհրաժեշտության դեպքում։
Պատասխանատվության սահմանափակում
Սույն նյութը նախատեսված է բացառապես ընդհանուր տեղեկատվական նպատակներով և չի հանդիսանում իրավաբանական խորհրդատվություն։
Ստացեք առաջարկ
Մենք ապահովում ենք ժամանակավոր կացության կարգավիճակի ստացման ամբողջական իրավաբանական աջակցություն՝ սկսած փաստաթղթերի պատրաստումից և թարգմանությունից մինչև դիմումի ներկայացում և գործընթացի հետևում։ Կապ հաստատեք մեզ հետ՝ գործընթացը սկսելու համար։