Կենսագրություն
Ալեքսանդրը փորձառու փաստաբան է՝ իրավաբանական ծառայությունների ոլորտում աշխատանքային հարուստ փորձով, ներառյալ աշխատանքային գործունեությունը Նյու Յորքում, Փարիզում և Երևանում։ Հիմնականում խորացված լինելով սահմանադրական իրավունքում նա ունի հմտություններ արբիտրաժի, միջազգային առևտրային գործարքների, բանակցությունների, քաղաքագիտության, Մարդու իրավունքների եվրոպական դատարանի (ՄԻԵԴ) պրակտիկայի, միջազգային հարաբերությունների և միջազգային իրավունքի ոլորտներում։
Ալեքսանդրի կողմից ներկայացված հաճախորդների թվում են եղել Հայաստանի խոշոր շինարարական, գովազդային և առողջապահական ոլորտների ընկերություններ։ Նա նաև հաջողությամբ ներկայացնում է միջազգային հաճախորդների շահերը։
Ուսումնասիրելով ինչպես պետական, այնպես էլ մասնավոր ձեռնարկությունների առջև կանգնած ֆինանսական և իրավական խնդիրները՝ Ալեքսանդրը մշակում է գործնական լուծումներ առօրյա բիզնես խնդիրների համար։ Դրանք ներառում են Հայաստանի արժեթղթերի շուկայի և կորպորատիվ օրենսդրության շարունակական պահանջներին համապատասխանության ապահովումը, ինչպես նաև առևտրային պայմանագրերի կառավարումն ու ձևակերպումը։